إحساسي يم باب الزجية...و اللطم ما عاف إيديه
من محرم لليالي الفاطمية
اتعلمت من هالمجالس ثاني طف ببالي...بين نار الباب خيمه و عطش يتروالي
وابجي للزهرة الزجية و ألطم اعله الغالي...حسين بيبان المحنه و فاطمه دلالي
حسين أبويه و آنا أحبه...وشكثر منطيني قلبه
من محرم لليالي الفاطمية
حسين عودني اعله بابه اشما ردت ينطيني...عمري جلمه من المنابر و البجي امحليني
سنيني كلهن فاطمية و الله قرت عيني...فاطمه قبلة دعائي و خيرها امكفيني
فاطمه كل خيري منها...ترضه عاليخدم إبنها
من محرم لليالي الفاطمية
عندي فاطمه ريحة الله و بالسمه احجاية هله...ابلايه شك باب الزجية الباء باء البسمله
و علمتني الدنيه غربه و الوطن بس كربله...و من صرت خادم لبنها انطتني رفعه و منزله
بالخدامه عندي واهس...عمري يخلص بالمجالس
من محرم لليالي الفاطمية
الله لا يحرمنه خدمة فاطمه طول العمر...من عسه مكسور ضلعي و لا ضلعها المنكسر
تبت إيد الما عرفها و من حرق باب الصبر...ما دره الزهراء نبضه بقلب حيدر تستقر
فاطمه حنية عندي...دمعه ليلية اعله خدي
من محرم لليالي الفاطمية
و آنا لو ماي عيني ينزل بهذا العزاء...الله ما خله اويه طيني اتراب من طف كربلاء
اشعندي غير حسين خيمه اتعلمت بيها الوفاء...و الحواس الخمسه عندي همه أصحاب الكساء
و الحزن مبدأ هويتي...و اللطم أصبح قضيتي
من محرم لليالي الفاطمية
اسنيني لو ما هالمجالس كل طعم ما بيها...الغير لطمت صدري ايدي إلمن امخليها
إي وحق هاي العزية البلنفس شاريها...بقبري هم الليالي الفاطمه أحييها
كل مكان مسوي ماتم...لسه اشم نار المخيم
من محرم لليالي الفاطمية
