رملة و سكينة على جثمان القاسم
مخضوب لكفوف...لك شبه ماشوف
و انتَ البدر لكن يجاسم...غالك خسوف
عرسك يجسّام...ساعه و لا دام
فوق الثرى تنام...و دماك خضاب الكفوف
عريس يبني...و عرسك شعبني
دهري سلبني...نور عيني و بعد ماشوف
طلعت حزينه...تحشّم سكينه
العريس وينه...شحل عليه من ضرب السيوف
خرّت تشمّه...و تمسح الدمّه
تنادي يعمّه...هالشباب شلون مزفوف
ما قلت يا ناس...ماريد الاعراس
من طاح عبّاس...انهتكنا بارض لطفوف
ناديت يحسين...وين العرس وين
و اهلي مطاعين...و علينا تحوم الصفوف
قلت تركوني...لا تمرمروني
ولا تخضبوني...و بو الفضل مقطوع الكفوف
