مشينه سوه الدرب...حفظناه عله القلب
يهون البعد قرب...حسيناه
خطانا خطى الرفض...زلازل عله الأرض
بزيارتنه ننتفض...حسيناه
من نمشي درب الزياره...يفرح وجهنه بسماره
واضح جدمنه بقراره...خطوه بدون استخاره
بالأربعين العلامه...شوق الموالي لإمامه
يحير اليوصفه بكلامه...صورة عشق لو قيامه
نجاهد هوه النفس...علينه انحنت شمس
كتبنه الوفه بدرس...حسيناه
ندرب البعد دمع...كأنَّ الأرض شمع
على كلمة نجتمع...حسيناه
درب الحسين وصموده...تمتد جحافل جنوده
دمه اللي وفه بوعوده...نثبت حقيقة خلوده
نمشي بعدد ماله آخر...مثل الطيور التهاجر
ثأراً إله من الحوافر...كل زاير بصفه زاير
نكابر عله الألم...تموج الأرض قيم
إذا رفرف العلم...حسيناه
رضينه الحزن قدر...بجينه بدمع بحر
علينه وقع نظر...حسيناه
رغم الصبر و الصلابه...بينه ترافت سحابه
نجازي اليموت بغيابه...نهديله خطوة بثوابه
كل خطوة تحيي القضية...تكسر رمح من أمية
موج الدموع النقية...يواسي العقيلة و رقية
مشينه بعزم هوه...أثرنه وهج ضوه
عطش لينه و ارتوه...حسيناه
فزعنه الأمر جلل...علينه الصبر نزل
حلاته اللي وصل...حسيناه
نشرق فجر عالليالي...ضي الشمس يبدي تالي
واحدنه يتعنه خالي...تارك وراه كلشي غالي
نمشي بمهابة مناير...تشهد علينه الضماير
كل المواكب تناطر...تخضر إذا مرها زاير
مضايف لكل جدم...حجينه بلغة كرم
هنيئاً إلى الخدم...حسيناه
عبارة ألف هله...صداها عله المله
تحيينه كربله...حسيناه
مشايه نطلع قوافل...تخله ورانه المعاقل
بينه شموخ المقاتل...مشيت جبال بسلاسل
صوت استخاثة بسماعه...لبينه سمعاً و طاعه
أبحر حلمنه بشجاعه...وجه الحسين بشراعه
تعاهدنه ما نذل...قسمنه بأبو الفضل
نذرنه العمر لجل...حسيناه
وحقنه البخت حلف...تراب الدرب رجف
نشيد النصر هتف...حسيناه
