أويلاه أويلاه...رضيع و ضامي ذبحوه
أويلاه أويلاه...على صدري يدفنوه

الصوبه الابني...ابقلبي صوّبني...و قاتل الموؤدة شيجاوب سؤاله
ابيا ذنب منها...طيبة تدفنها...و ربك الهذا الذنب يغفر محاله
و حرملة ابسهمه...للطفل أدمه...و خله دمه ايخضّب العرش الجلالة
و اعله صدري جان...منذبح عطشان...و شابكه الصدري بيمينه و بشماله
أويلاه أويلاه...نحر ولدي يقطعوه
أويلاه أويلاه...على صدري يدفنوه 

منقطع نحره...و فاتح الثغرة...و بجّه عرش الله و ملائكته بسماها
و چن أشوف أمي...تنظر الهمي...تذكر الدم محسن الخالط دماها
هناك بالمسمار...هنانه سم غدار...و الرمه عبدالله چن نفس الرماها
وونة بونه...و بچّت الجنة...اعله الشفاه البلدمه طفت ضماها
أويلاه أويلاه...يتلظه و ما يرحموه
أويلاه أويلاه...على صدري يدفنوه 

انشلت ايمينك...يالبعت دينك...لابد ابحر الحديد يصير موتك
اشلون أرد و أرجع...و أمه تتلوع...و أستمعها اتقول يبني اشخمد صوتك
ناشدت عنك...و أرد أسمعنك...يبني شنهو الصار طولت بسكوتك
يا غصن هاشم...لو جنت نايم...اقعد و ارضع حليبك لا يفوتك
أويلاه أويلاه...ابسهم غادر يفطموه
أويلاه أويلاه...على صدري يدفنوه 

صحت يا زينب...و القلب يلهب...اخذي يا أم الصبر طفلي ابني امن ايديه
و لأمه لو تنطيه...للنحر غطّيه...و منظر أم الفاقدة يصعب عليه
غيابه لوعها...و فقده يفجعها...و المعين الله بثقل هاي الرزية
و زينب الكبره...صاحت بحسرة...يا إلهي امنين إجتني الغاضرية
أويلاه أويلاه...عله الما رضوا يسقوه
أويلاه أويلاه...على صدري يدفنوه