براءة دمعتي تشكي...يغايب جمرة آلآمي

صغير و عالم احساسي...يصور لي طفل ضامي

أغمض اعيوني و أتأمل...أبو يبجي و نحر دامي

رافع ايدي و دمعي بخدي...يا رب سهل أمر المهدي

حملت بقلبي جرح الطف...حملت من الزغر همي

و أحس عبدالله من أبجي...يراقبني و يجي يمي

رباب و كل مصايبها...أشاهدها بدموع أمي

أهلي من زغري ايعلموني...عبدالله اشرب ماي اعيوني

يمهدي و روحي من زغري...تحن ليك اعله فطرتها

يتيمه لو شفت أذكر...رقية و دمع غربتها

عزيزة امدللـه و راحت...أسيرة و تجري دمعتها

ماتت من افراق الوالي...كل غالي ايموت اعله الغالي

طفل و أتصور الكوفة...و أشوف بكل شبر ذكره

حميدة وصلت و حنت...لبوها و شاهدت قبره

تصد مره عله الحادي...تصد اعله القبر مره

يا بوية الحادي مأذيني...ليش انت اوياها امخليني