وحدة الحسين
و حق صبرك يَبو السجّاد و نداك...الوجدك طود صبري انهدم و انداك
هز ركن العرش نخواك و نداك...صفيت اوحيد يَنصار الحميّه
الحسين يطلب الماء
شب بَقصى الضّمير العطش و الماي...شفاتي و اللسان ايبسن و الماي
تمنعوني مباح الورد و الماي...مهر من والدي لُمّي الزّجيّه
عطش الحسين
جدّي الأمّته رحمه و أب الها...و بسمه يجود للعالم و ابلها
و مُهجتي ماي ما يحصل و ابلها...صداق امّي و تمنعونه عليّه
السهم المثلث
صباح الشّوم يوم الطف و ظهره...سهم بحسين شق قلبه و ظهره
أطلعه اشلون متحيّر و اظهره...بثلث قلبه طلع روح الزجيّه
