بالسلامة...بالسلامة

تطيب و ترجع إلنه...بالسلامة

دعينه يا أملنه...بالسلامة

يمن جامع شملنه...بالسلامة

علي يا بعد أهلنه...بالسلامة

يا محمد...يا محمد

حبيبك عظم أجرك...يا محمد

يواسيك و يصبرك...يا محمد

انكسر هالليلة ظهرك...يا محمد

حسافة انخسف بدرك...يا محمد

يالزجية...يالزجية

أخبرج يالحبيبة...يالزجية

وقع ليث الكتيبة...يالزجية

مصيبة و جم مصيبة...يالزجية

علي أيّس طبيبه...يالزجية

راح أبونه...راح أبونه

الحسن شال العمامة...راح أبونه

تعالوا ياليتامه...راح أبونه

انطبر راس الإمامه...راح أبونه

اندعوا له بالسلامة...راح أبونه

صاح الحسين...صاح الحسين

علي يا موت الأحمر...صاح الحسين

صدق توقع يحيدر...صاح الحسين

منو بالكلفة يحضر...صاح الحسين

تره قلبي تفّطر...صاح الحسين

ها يزينب...ها يزينب

إجه يوم الهضيمة...ها يزينب

بقيت ابلاية خيمة...ها يزينب

مصابج هب نسيمه...ها يزينب

بعد باجر يتيمه...ها يزينب

ها يشيعة...ها يشيعة

بقيتوا ابلا حمايه...ها يشيعة

وقع سور الولاية...ها يشيعة

استعدوا للرزايه...ها يشيعة

انطبر سيف المناية...ها يشيعة

حيدرية...حيدرية

فصيلة دمنه تقره...حيدرية

السوالف بيها نبرة...حيدرية

الخطر بحره نعبره...حيدرية

أبد ما خفنه مره...حيدرية

ما نعوفك...ما نعوفك

يمن بيك انعرفنه...ما نعوفك

و حق دمك حلفنه...ما نعوفك

علي انت شرفنه...ما نعوفك

عله المذبح هتفنه...ما نعوفك