واضح بمسيري...ما خنت ضميري

عاشق الشعائر...بس علي أميري

آنا ربتني المنابر و المجالس...بخدمة حسين احملة طبع النوراس

عاشق و جنسيتي وقع بيها عابس...أهتف بسوح العشق هل من منافس

يا علي الهوية...روحي رافضية

بأي وطن أهاجر...بس علي أميري

إي نعم أتفاخر بهاي الهوية ...كربلائي و نور عيني النجفية

يا حسين و يا علي هيه القضية...ملتقه الأرواح عند الكاظمية

كربله فرضنه...و النجف نبضنه

صاحت المشاعر...بس علي أميري

حب علي صيفي و شتاي و ظِل ربيعي...أدري ما ينساني هذا شي طبيعي

بالقبر أندب علي يحضر شفيعي...ايقله يا منكر اتركه هذا شيعي

آمن بحسابي...حب علي بكتابي

حاشه أبقه حاير...بس علي أميري

عالصراط من أسأل تذكرتك امنين...من جنت بالدنيه قضيت العمر وين

أخفي كل أعمالي و أعرض خدمة حسين...هناك تظهر لي معاجز دمعة العين

يسهل اجتيازي...خدمتي جوازي

خادم المنابر...بس علي أميري

هم يدروني بعشق قلبي و هيامي...منهم أبدي دنيتي و يمهم ختامي

ربي اجعل يا حسين آخر كلامي...و اجعل أنفاسي الأخيرة بحب إمامي

و العمر رخصته...الفاطمة نذرته

سجلتني حاضر...بس علي أميري

بعالم الذر وقعت إلهم قراري...اوياهم الآخر نفس ثابت مساري

آنا مذهب جعفر الصادق شعاري...مهدوي و الصاحب الغيبة انتظاري

آنا هذا ديني...مهدوي حسيني

حقي من أفاخر...بس علي أميري