هذا صوت الضمير...إلا حيدر أمير
حيرتني بهواك...منيتي بس رضاك
أرضك و في سماك...إلا حيدر أمير
أول ابلا جدال...انت رابع مُحال
لو تزول الجبال...إلا حيدر أمير
انت صومي و صلاة...بعدك ابلا حياة
غصبن اعله الطغاة...إلا حيدر أمير
حبك الما يزول...بس محبتك قبول
ما يهمنه العذول...إلا حيدر أمير
انت حامي الدخيل...يا علي و ما نميل
إي و ربي الجليل...إلا حيدر أمير
اليحبك أصيل...و اليبغضك ذليل
نثبت و بالدليل...إلا حيدر أمير
عدنه عزة نفوس...عالمخاطر ندوس
لو تطير الرؤوس...إلا حيدر أمير
يا قمر ما تغيب...انت أول حبيب
لو نشوف العجيب...إلا حيدر أمير
هذا آخر كلام...بالقبر من ننام
هم تصيح العظام...إلا حيدر أمير
حبك الما يزول...حيرت هالعقول
عالمشانق نقول...إلا حيدر أمير
نعشق و ما نتوب...حيدرة و بيه نذوب
ناده نبض القلوب...إلا حيدر أمير
مدرسة كربلاء...علّمتنه الوفاء
هذا آخر نداء...إلا حيدر أمير
يا علي عالعهود...خل يموت الحسود
نكتب اعله اللحود...إلا حيدر أمير
هذا عشق الجنون...نفدي مال و بنون
و الله مهما يكون...إلا حيدر أمير
هذا آخر قرار...ما نريد اعتذار
عدنه أشرف شعار...إلا حيدر أمير
