محروسة النجف حامي الحمه بيها...تشاهد غيرة الله تمطر اعليها

دنيه ابلا نجف نرفضها بالمره...هذا الكون أظلم و النجف ذُره

الشمس تاخذ ضواها من ضوه الحضره...أرض حامي الحمية و هوه يحميها

إنشد موسه عن إترابها القدسي...و إنشد نوح ليش ابهالأرض يرسي

جبرائيل بيها ايصّبح و يمسي...دشوف اشجم نبي لايذ بواديها

نعم أرض النجف ما كو شبه إلها...تشم ريحت مراجلها من تطب إلها

بألف جنة عدن لا ما نبذلها...نحبها و بالمناحر احنه نفديها

النجف أم الأرض و الأرض شيعية...يكرهوها النواصب كل وكت هية

يظل مرعب اسمها للوهابية...يفز الناصبي لو جبنه طاريها

طبع إبن النجف ما يخفه و انعرفه...أبد جف المنافق ما لمس جفه

غيور و ما يرد بساعة الكلفه...ابن حيدر ضربته ما يثنيها

ولد حيدر علي كل الإمامية...لأن هاي الأرض تصنع فدائية

حيادر بالهوه و بالدم حسينية...تضحك عالمنايه من تلاقيها

اليحب هاي الأرض يتميز بحاله...إذا يزعل يخاف الينظر اخياله

شجاع و عالسواتر بانت أفعاله...يموت و رايته ما يرضه ينطيها