عالوجن دمعي...و انكسر ضلعي
أم الحسن و حسين آنا الزجية
يا بوية يوم الغاب ضيك يبدر التام...ليل و نهار ابنوح ما غمض جفني و نام
لو تدري بيه اشصار شفت اشكثر آلآم...فقدك و حد الباب و الدهر و الظلام
أجرع بصبري...حسرتي ابصدري
يا بوية بغيابك ليش جاروا عليه
يوم الرحت وياك راحت يبوية الروح...من المصايب ذاب قلبي العليك اينوح
ينزف دمه امن الضيم من كل كتر مجروح...و يا بوية قام اوياي ينعه حمام الدوح
يسمع حنتي...و يبجي الونتي
و آنا اعله هذا الحال صبح و مسية
ريتك جنت موجود يالمصطفه المختار...تنظر ابحالي اشصار من هجموا اعله الدار
دفعوا عليه الباب أهل السقيفة أشرار...ضلعي انكسر و انصاب دلالي بالمسمار
ما رعوا ستري...و انكروا قدري
يا فضة صحت ابصوت و الألم بية
و للمسجد اتعنيت و أتعثر بهمي...و من ثديي ينزف قام يالمصطفه دمي
يا خلق صحت ابصوت خلو ابن عمي...و قنفذ ضربني و ريت بوية جنت يمي
إيده اشقصاها...عيني طفاها
بوية و هضمني سوط ابن الدعية
القبرك بتالي الليل يا والدي اتعنيت...يا بوية عالوجنات دم و دمع هليت
بضعتك أشكي الحال من المصايب جيت...لو جبل قلبي ايطيح من كثر ما ونيت
