يفضه صدي ليه و شوفي الحال...سقط مني الجنين و دمعي انسال

اجت فضه و دمعها عالوجن سال...لجن دون الدمع ظلت تهل دم

لقت فضه وديعة عز الإسلام...طريحه من أثر عصرة الظلام

تنوح و تنتحب من جور الأيام...عقب عين النبي عزها تهدم

خذتها فضه للدار الزجية...و تون امن القلب ونة شجية

و تنادي خل يصد حامي الحمية...غريبة و حايرة و مسحونة بالهم

بقت زهرة الزجية تهمل العين...و تصيح امن القلب و القلب نصين

يفضه بالله خبري عود الحسين...يصد ليه و لعند صدري التهشم

تنعه حيدر و دم عينه فجار...و شاهد بضعة المصطفه المختار

صدرها امصوب و تصرخ يكرار...أريد أوصيك أنا يا سر الأعظم

دنه يومي و إخذ مني وصاياي...لون يا باالحسن فارقت دنياي

تظل عندك يبو الحملة يتاماي...ينوح الحسن لمصابي و تيّتم

يحيدر جثتي غسلها بالليل...أريدك و أدري ميظل لك أبد حيل

دمع زينب لون لمصيبتي ايسيل...تره حقها عليها الهم تخيّم

أريد ابحفرتي اتنزلني بيدك...و توسع حفرتي آنا الأريدك

كسر ضلعي يبو الحملة يجيدك...و متني من الضرب تدري تألم

رحت عنك أنا و روح الله وياك...تون الفرقتي و آنا اعله فرقاك

يحيدر خلي بالك عاليتاماك...تسليهم لون هلو دمع دم