يا بوية ابليل اتعنيتك...حاضر بمصابي اتمنيتك

جيتك و الهم يطوي أجدامي...شاطت روح الهم جدامي

تحجي لك غربة أيامي...و اتسولف عن ضلعي الدامي

بدموعي التمطر ناديتك...يا بوية ابليل اتعنيتك

شجاية اتعنيت القبرك...آلآمي اعله امصابي اتخبرك

مهضمومة و لذت آنا بكترك...حين القوض بالهم عمرك

بكل وحشية اتعنوا بيتك...يا بوية ابليل اتعنيتك

امصابي الغير حالي و أمري...باب الرضت ضلعي و صدري

نار الحقد بدارك تسري...تعلم بالوجرها و تدري

تشاهدها بعينك يا ريتك...يا بوية ابليل اتعنيتك

يا بوية و منصوب امصابك...هجموا و اتولوني أصحابك

ما واحد من عدهم هابك...و لا هابوا حيدر بغيابك

نفذ و اتمسك بوصيتك...يا بوية ابليل اتعنيتك

بنتك يا بوية ايعرفوني...أبجي و أنحب ما خلوني

اقعد شاهد هاي امتوني