صرختنه سجليها يزهراء...دمعتنه حفظيها يزهراء
يفاطمه يزهراء
يوم القيامة الدمعة عالزهرة تصير هية الذخر...و آنا أعتقد أكثر من الحج دمعتي بيها أجر
و اعله الصراط المستقيم أضمن ثباتي...ابفضل اللطم ما هو بفضل صومي و صلاتي
وشقد فضل بيها...دمعتنه حفظيها
بدفتر أعمالي منكتب ونة و بكاء و تعزية...يوم الحشر أُباهي هَاؤُمُ اقْرَءُوا كِتَابِيَهْ
عالزهرة لمن أنحب و أبدي ونيني...يوم القيامة آخذ اكتابي بيميني
أعمالي امضيها...دمعتنه حفظيها
أعمالُنا بينَ القبول و ردها عد رب السمه...إلا بجينه ينضمن أجره كرامة الفاطمه
تشفع لي دمعاتي و عزائي ليه يشهد...و امن أندفن وياي دفنوا ثوبي الأسود
ايدينه لزميها...دمعتنه حفظيها
مو مستحب بل أعتقد واجب دمع عيني يهل...ما همني لو يحجي عليه و يشكل الظال المظل
دمعي عله الزهرة حرز ديني و أماني...و الما يعجبه خل يدور دين ثاني
هالجلمة كتبيها...دمعتنه حفظيها
ما أكتفي بهذا البجي و لا أقنع بفيض الدمع...كون أكسر اضلوعي لمن أتذكر اصواب الضلع
و بلا حدود اعله الزجية لمن أجزع...مسمار أحط بصدري لازم حته أقنع
هالونه قبليها...دمعتنه حفظيها
