حجة الله فاطمه فاطمه
قبل ميغمض اعيونه الليلة بجفوفه الأجل
أرد أوصي و هالوصية للأبد بعدي تظل
اوصيتي بالزهرة الزجية انكتبت ابحبر الأمل
كلمن يأذيها بعدي حكمه حكم أبو جهل
وصيتي بجّت أملاك السمه
فاطمه كلمن بغضها يوقف بيوم الحشر
ما يجوز اعله الصراط و ما يفيده أي عذر
هذا مو من عندي واجب هذا من الله أمر
اشما يصوم اشما يصلي يحترق مثل الجمر
شفيعة إي مثل حامي الحمه
فاطمه آية الرحمة و حجة الله اعله البشر
خوفي لا من بعدي يجرم اوياها الدهر
فاطمه الزهراء بضعة مني و أغله من النظر
ينكسر ظهري عليها لو ضلع منها انكسر
أنادي دمعتي مثل الدمه
فاطمه ريحة الجنة قطعة من جنة عدن
الله الله اخلاف عيني بيها لو جسمي اندفن
تبقه باب الرحمة باب بعدي كل وكت أم الحسن
فاطمه باب الحوائج يشهد اعليها الزمن
زجية و القصدها تكرمه
فاطمه أشرف نساء الجنة شرفها الصمد
حجة من الباري حجة بيها تنزاح الشدد
هسه كل مسلم أريده هسه ينطيني عهد
يقلي من يبغض الزهرة آنا أبغضه للأبد
عفتها و المصايب قادمه
فاطمه قرآن روحي أغله من ماي الذهب
بالعرش وياي اسمها بلوحة الباري انكتب
يغضب الباري بغضبها و الله لو حقها انغصب
و الذي يظلمها بعدي يصير لجهنم حطب
دليله و بفكرها عالمه
