دي گوموا يال هاشم و الهضم مر...شوفوا احسين عالشاطي امطبر
تناديهم او حادي الظعن طوح * تگلهم يا هلي و الدمع يسفح
دخلي خيلكم بالصرع تطفح * او شوفوا احسين عالشاطي امطبر
يهالنا احسينكم رضوا اضلوعه * او شاف الموت روعه بعد روعه
يصد لعياله او تسچب ادموعه * يخافنها بعد عينه تيسر
يهالنا احسينكم ذبحوا انصاره * أبو فاضل تكور بالمعاره
وج ابگلب اخوه احسين ناره * دمع عينه على خده تحدر
يهالنا احسينكم نشفت ارياگه * او راح ابنه اوهد حيله افراگه
او عن ورده امعوج الموت عاگه * او عالجها او دون العلگمي خر
يجدي گوم هذا احسين مذبوح * على الشاطي او على التربان مطروح
يجدي ما بگت له امن الطعن روح * يجدي گلب أخويه احسين فطر
