دار العسكر اعلى احسين و افتر...او صار اشبيح للنشاب مكور

تلگى انبالها احسين ابوريده * نوب بالضلوع او نوب بيده
تلايم غيمها و اثجل رعيده * او بالزانات فوگ احسين يمطر

ثگل ما يندرى ابنشابها امنين * يجيه او زانها يخطف على احسين
سهم بيده او سهم ابحاجب العين * يويلي و افغرت روحه من الحر

صار اشبيح بيه امن المنيه * ألف نبله يويلي او تسع ميه
وگف قبة نبل بالغاضريه * او زور ارماح شابچ عيب ينطر

أو چب يستريح احسين ساعه * ضعف حيله او ثگل بالسيف باعه
رن الحجر من وجهه ابشعاعه * او دمه مثل ماي العين فجر

شال احسين ثوبه اليمسح الدم * او لن سهم المحدد ناجع ابسم
ابگلبه وگع لا وخر و جدم * هوى و اظلم هواها و السما احمر