على اوداع الحسين الگلب محتر...يگلبي ذوب لوداعه او تفطر

إجت زينب او باجي الحرم يمه * او صارت للوداع اعليه لمه
يشم سكنه و هي گامت تشمه * يحبها و الدمع ليلو ايتنثر

يبويه ايطول من بعدي و نينچ * او مثل النيب چن اسمع حنينچ
يبويه لا تشوفيني ابعينچ * أخافن ينخطف لونچ و يصفر

صد الباجي اعياله ابعينه * بچن عنده او نادن يا ولينه
عمن للغاضريه لا لفينه * او لا بينا يوالينا تحير

إجت زينب يوصيها بلعيال * يوصيها ابعليله او كل لطفال
شاف الدمع فوگ اخدودها همال * تگله على افراگك ما أگدر أصبر

گام ايهون افراگه عليها * او بين بعد عين الله وليها
عگب ما جاب كل الصبر ليها * ركب غوجه و للميدان سدر