ليش الموت الاحمر راغ و اصفر...أثاري احسين بالميدان يفتر
فرن واحده تندب ولدها * او وحده تندب أخوتها و سعدها
او وحده للولي تخمش ابخدها * او وحده اتصيح يا عمي لمشكر
يا شبان ينجوم لمخيم * يابدور اشرگت ويلي ابحر دم
يالله ياهوى الغربي تنسم * بلچي اتفوخ عنهم جمرة الحر
تذعذع يا عذبي على الشبان * بالرسريس لا تنگل التربان
ترا هي اتبب من النشاب و الزان * لا تعصف تهز الزان و تضر
غديتوا طبگ يا شبان و احسين * ضل اوحيد بس ايدير بالعين
لمن شاف روحه ماله امعين * او شاف الخيل على الصيوان تفتر
لگف صلب العرج ملس الحديده * روطها و غداها اعجود بيده
خاض الموت چن الموت عيده * عباس او من يشوف الحرب يستر
