إجت زينب تصيح  الله أكبر...يعمه ليش هالنومه ابهالحر
 
 هوت فوگه تشم خده و تحبه * او تطبگ طبرة الراس و تعصبه
 او تسفر زيچ ثوبه تجس گلبه * لگت دمه من افاده يفور
 
 يويلي ولولت واحنت ظهرها * تخمش اخدودها و تحلج شعرها
 او تدگ براسها او تلطم صدرها * او تنعي ابصوت طر گلب الصخر طر
 
 يشمس الگيض يل يلهب وهجها * يبدر التم يامطفي سرجها
 يسم الخيل يلمچتر مرجها * اشلون امن السرج تنشلع واتخر
 
 ينجم اسهيل يالحامي الشرايع * يالجرناس يامعدب البراجع
 يشبل الموت يامسدر الگلايع * اشلون امسيت للنشاب مكور
 
 ردها احسين للصيوان بالهم * او شاف الخيل دارت ع لمخيم
 او لن ابن الحسن جسام مرزم * يصيح ابصوت عالي  الله أكبر