أويلي احسين صاح  الله أكبر...يبويه ليش هالنومه ابهالحر
 
 گعد عنده او شافه امغمض العين * ابدمه سابح امترب الخدين
 متواصل طبر و الراس نصين * حنا ظهره على ابنيه و تحسر
 
 يبويا گول منهو الشرگ راسك * ينور العين من خمد انفاسك
 يعگلي من نهب درعك و طاسك * يروحي اشلون اشوفنك امطبر
 
 يبويا من عدل راسك و رجليك * او من غمض اعيونك واسبل ايديك
 ينور العين كل سيف وصل ليك * گطع گلبي و لعند احشاي سدر
 
 يبويا من سمع منك ونينك * او من شبحت لعند الموت عينك
 للعشرين ما وصلن اسنينك * او حاتفني عليك الدهر لگشر
 
 أريد امسح اجروحك و شم خدك * و حط صدري على صدرك و وسدك
 يبويا شوف لاچن حرم جدك * او جت زينب تصيح  الله أكبر