على ابن احسين ياگلبي تفطر...شبگ عل المهر يويلي و المهر فر
شبگ عل المهر لباله يوديه * لبوه احسين عن الگوم يحميه
أويلي المهر للعدوان فر بيه * أو أوچب آه بموسط العسكر
داروا بالسيوف اعليه و الزان * مثل چتال سبع الليل فرحان
عسى ابعيد البلى و ليته العدوان * ارذال و بالمعايب دوم تفخر
هذا يگطع ابسيفه و ريده * او هذا بالخناجر فصل ايده
او هذا يغط من رمحه الحديده * ابخاصرته و هو يعالج و يفغر
ثگل بيه الطبر و اتلوج روحه * او محد عرف غير الله اجروحه
دماياته على احصانه سفوحه * لما خر ابهناديها اموذر
نده هذا الساع جدي * سگاني الماي و اروى عطش چبدي
يگول اسرع تراك اليوم عندي * إجاه ايصيح يا ابني الله أكبر
