تسايل يا دمع لوداع لكبر...يگلبي ذوب لوداعه و تفطر
 
 يويلي من تلاگوا عند الوداع * امشابگ طول لمن هووا للقاع
 لاع الإبن لبيه و الأبو لاع * على ابنيه يويلي اوداع لگشر
 
 يشم احسين خد ابنه و يحبه * او دمعه مثل دمع ابنه يصبه
 و النار البلگلب ابنه ابگلبه * يخفيها على إبنه او نوب تظهر
 
 يگله و الدمع بالعين دفاگ * ابعبره امكسره و بگلب خفاگ
 يبويه اوداعة الله هذا الفراگ * يبويه اشبيدنه هذا المگدر
 
 يبويه للسيوف اسدر و للزان * او لوح ابغاربه او شلش الميدان
 يبويه اليوم مرواحك للجنان * او بالكوثر يبويه اليوم تفطر
 
 تحسر ويل گلبي او جدب ونه * و من الماي آه انگطع ظنه
 عرف إن المنيه دنت منه * خر دمعه و للميدان سدر