شل اطرادها ابن احسين لكبر...او خلى الخيل بالهامات تعثر
 
 امصيت هلهلت له الخيل لو لاح * عليها أو صفگت له أطراف لرماح
 أو رگصت له السيوف ابروس لفراح *أو فوگ الطوس دگت ضرب لگشر
 
 من هاشم امنتب موش ملفوف * أبوه احسين بالميدان موصوف
 و جده حيدر الكرار معروف * و عمه الحسن و العباس لزهر
 
 اهتز ابغيرة الله و فرع الراس * تبارگ بالوجه و الدرع و الطاس
 و سيفه الشعشعاني المرهب الناس * و بالخيل الطلايع ضيق البر
 
 اشچم حران من غدارته نس * مهو ابن احسين ضرب الراس له او بس
 ابرمحه چم عجيد اصياح لبس * وخلاها ابجماجمها اتعثر
 
 تموج الخيل من يجبل عليها * چن الخيل عزرائيل بيها
 دب هذا او ورى هذا لديها * مساميها او رمحه يلحق الفر
 
 شباب او لا يهاب الموت طفاح * ابسرج عالي طويل الظهر نفاح
 ارضى السيف و اطاشرت لرماح * او رد ايلوج بلسانه و يفغر