هله بيكم يزوار

كاتب اعله أعتابي...يا هله بأحبابي

ما نسيتوا امصابي...ليكم أفتح بابي

هذا صوت إحساسي...انتوا عطر أنفاسي

إي مثل عباسي...كل وكت حُراسي

ما يروح اوجودي...أحجي أظل بزودي

غيرة الله اجنودي...من يدوس احدودي

و الله يزواري...انت مثل أنصاري

أطلب من الباري...بيكم آخذ ثاري

هالزمن ظل شاهد...ما منعكم حاقد

ظل عزمكم واحد...ساعد يشد ساعد

رايتي ارفعتوها...زينب انصرتوها

أدري ما عفتوها...بالسبي احضرتوها

واقف ألتقاكم...عمري ما أنساكم

للأبد وياكم...أنتظر ممشاكم

و اليشيل اجفوفه...بس عيوني تشوفه

بيدي أخط احروفه...عاهدت ما عوفه

سيفي سيف الثائر...بالشدايد حاضر

من يجيني الزاير...و الله ميرد حاير

لو رفع دعواته...أقره من نظراته

حسرته و آهاته...أقضي كل حاجاته