دارْ الـوحـي دخـلوها دارْ الوحي دخلوها...والـبـضعة الـمعصومة يا والدي ضربوها

وصـيّـت فـوق الـمنبر بالدّرّة المعصومَهْ...اُوجـوني يـبويه بعدك هالعصبة الميشومَهْ
لـيـتَك تـشوف الغالية فوق الوَجه ملطومَهْ...اُوجابوا الحطب يالوالي ودار الوحي حرقوها

فـزّيـت يـوم الـجوني وآني أهلِ اِدموعي...وآنـي يـبـويه الفقدَك بعدَه مَيسكن روعي
فـزّيت ابلزم بابي اُوكسروا يبويه اِضلوعي...تـرضـى يـبويه داري من بعدك اِيدخلوها

يـابـوي يـوم الأجوني اُودخلوا عليّه داري...وآنــي حـزينة اُوفاقدة خير انبياءِ الباري
هـتكوا يبويه اِحجابي اُوهتكوا يبويه اِخداري...اُوكـلّ الوصيّة اِتخالفتْ دار الوحي دخلُوها

نـادى الحسن وآ جدي واِحسين اينادي يا مّهْ...اُوهـذا يـجي للثاني اِيكفكف دموعَه اِبكمّهْ
يـاهـي امصيبةَ عظمى اُوياهي علينه ملتمّهْ...يـوم الـعدى وصلتنه اُودار الوحي دخلُوها

الله يـحـيـدر صبّرك مثل الصخَر بل زايدْ...إنـتَـه الاُسـود اِتـهـابك واِنته إليهمْ قايدْ
كـيـف الأعـادي تـهجمْ بالدار واِنته قاعدْ...اِيدخلوا اعليكْ اِبدارك اُودار الوحي حرقوها