أم المصائب (ع) تناشد الحسين و هي أسيره
راسـك مـشى ويا الحرم للشام يـحـسين...اُوجـسـمك يـظل ابكربلا من غير تكفين
اش ذنبك يخويه اتموت ظامي القلب مذبوح...وتـبـقى ثلاتيام فوق الثرى مـطـروح
ايحق لي يخويه اعلى مصابك ما ترك النوح...تـرضـى يبو السجّاد يا نور الـمسلمين
عـنـك مـشـيـنـا يالذي جثّة بلا راس...راسـك مـعانا اُوجـثـتك بالخيل تنداس
وابـكترك الـظامي أخوك البطل عـبّاس...وابـنك عـلي اُوجسّام هل توهم امعرسين
طـيب الـعرس منّك يجاسم ريحته اتفوح...عـرسك اسويعة ويه عليّه اُورحت مذبوح
جـسـمك رمـيّة بالترب خلوه مـطروح...آه يـمـقـصوف العمر يمدلل احـسـين
قـومي يـسكنة المعرسك داوي اجـروحه...اُو نـقـطي ابحلقه ماي بلكي ترد روحـه
يـا لـيـت روحـي فارقت من قبل روحه...مـطروح فـي حر الثرى امعفر الـخدّين
قـلّـي يـخـويه طفلك المذبوح ويـنـه...يـمـك دفن لو ابعيد عـنّـك دافـنـينه
ويـلـي عليه وقت الذبح مطرور عـيـنه...بـاغـسـلنك يا لولد بامدامع الـعـيـن
اُومــرت عـلى اخوتها اُونـادتهم يشبان...يـهـل الحميّة والشيم ثوروا يـشـجعان
فـكّوا الـعليل امن السبا اُوفـكوا النسوان...لـلـشام ساقونا على اظهور الـبـعارين
امـن الـنـوم بسكم ياهلى نغروا عـلـيّه...شـوفـوا المصونه امسلبه فوق الـمطيّه
عـز الـحـرم يحسين لا تعتب عـلـيّـه...غـصـب عـليّه رايح للشام يـحـسين
