بعض مصائب الزهراء عليها السلام بمصاب ابنها الرضا (ع)
قومي يزهرا من ارض المدينه...و شوفي الرضا اليوم زايد ونينه
قلبك يزهرا اشحامل مصايب...كل يوم مفقود من هالاطايب
هذا بسجن راح هذا بترايب...هذا بلا راس و مرضّضينه
و ذاك بمباني مغيب جماله...و هذا غصب هام و اترك عياله
و هذا للوحوش ظلّت اوصاله...يبقى رميّه و لا يجهزونه
دون الملا اشصار منهم جنايه...ناس بلا روس باتوا ضحايا
و بكربلا اشبال ماتوا ظمايا...حتى طفلهم ما يرحمونه
و برض المدينه اندفنت لك أولاد...زاكي و باقر و صادق و سجّاد
و بدر العلم راح نازح البغداد...و اما الرضا بطوس بَعَّد ظعونه
قوموا من القبور ياولاد عدنان...مات الرضا غريب فصلوا له اكفان
شيلوا سريره بضجّه يشبّان...و شيعوا ولدكم يهل المدينه
ماجت خراسان لجله بهلها...و ام طفل طلعت تسحب طفلها
و موت الرضا طوس رجها و ذهلها...و ظلت له تموج مثل السفينه
قوموا يشبان طلعوا من الحبوس...و بللّي بالطفوف نمتوا بلا روس
عدكم مصيبه حلّت برض طوس...مات الرضا ليش ما تحضرونه
مات الرضا وين موسى بن جعفر...ينظر عزيزه قلبه تفطّر
من شدّة السّم لونه تغير...مصيبته الكون مغبر لونه
