يا طوس ضمّيتي بدر من آل عدنان...فزتي بقبره وارتفع لج بالملا شان

نلتي الفخر ياطوس من بدرٍ أفل بيج...و الخلق من كل النّواحي تعتني ليج
يشابه الوادي المقدّس صار واديج...إِخَلْع النّعل تعظيم الْيُطب الذاك لمكان

يا طوس ضمّيتي المفاخر و الفضايل...و بْحُفرتك علم الاواخر و الأوايل
صرتي البدر المصطفى تالي المنازل...بيج اختفى واظلم هوانا ورج لَكوان

قالت ببنْ موسى الفخر كلّه جمعته...وغصبٍ عليّه ابن الرّجس قطّع مهجته
لكن بلا تجهيز جسمه ما تركته...عتبوا على اللّي برضها ظلّوا بلا اجفان

أعشب الوادي و ارتحت يومٍ لَفاني...ولبّيت دعوة سيّدي بس ما دعاني
و اتحولت تعظيم لَجْلَه من مكاني...لا روّعت قلبه ولا اتحيّر له حصان

و بكربلا سبط النّبي تحيّر حصانه...و آمر ابتطنيب الخيم و انزل مكانه
و بالغاضريّه اتذبّحت جملة اخوانه...سبعه وعشره من بني عدنان شبّان

شرّف ولا اجتمعت عليه خيل و أعنّه...ولاسيف عندي انسل ولاشرْعَت أسنّه
و لا هضمته و لا منعت الماي عنّه...وحسين برض الغاضريّه انذبح عطشان

و من عقب موته ما سبيت امخدّراته...و مْن الخدر للهتك ما طلعن بناته
شافن بواجي عليه ما شافن شماته...ولاطفل عندي للرّضا ظل فوق تربان

و الغاضريّه جم طفل بيها تعفّر...فوق التّراب وجم بدر بيها تكوّر
غارق ابدمّه و جم يتيمه ابحبل تنجر...بين العدا وجم راس لاح بْراس لسْنان