طالَ الصدى...بِكَ النوى

أينَ استقرت يبو صالح

إذا البحارُ سُجّرت يعني المدامع تجري

إذا الجبالُ سُيّرت يعني سرح لك فكري

إذا السماءُ انفطرت معناها شيّب صبري

إذا النجومُ انكّدرت تشرحها لطمت صدري

أتعبتني...أيتمتني

وياك أسولف بس نوايح...أينَ استقرت يبو صالح

يمته الفرج يا يوسفي ارحم قلب يعقوبك

ابيضت اعيوني و أنتظر وديلي ريحة ثوبك

ساعي بريدك سيدي ما جاب لي مكتوبك

يالمهدي بغيابك صرت مسكينك و محبوبك

في جمكران...أم يا مكان

مدري خيالك وين سارح...أينَ استقرت يبو صالح

يا ابن نرجس فاطمه يالما تمر مُر بيه

مو نذبة أقرالك شرط أقره الدعه لطمية

امنين أجيب بهالوكت آصف ابن برخيه

الحارقته جمرة من العبي يفهم حجي المسبية

في أي دار...مثواكَ صار

و اليا عزاء الليلة رايح...أينَ استقرت يبو صالح

تتصدق الناس بألف و آنا أختلف عن الناس

الدفع البلاء عن حضرتك أتصدق بقطع الراس

يالمهدي دق باب السمه و آنا أدق باب العباس

يالمهدي عن الله ابشبر هيج انت لازم تنقاس

دعني أراك...خُذني معاك

انطيني إقامة احسبني نازح...أينَ استقرت يبو صالح

سامحني و انطيني البخت لا تزعل من اعتابي

لتقلي ذنبك يحجبك او ما وصلك يم بابي

سيف العزيز المقتدر قادر يزيل احجابي

جم عابس اخلافك صرت كل يوم أشق اثيابي

أشكو لمن...يبنَ الحسن

و تعرفني ما أدور مصالح...أينَ استقرت يبو صالح