الصبر ألأعجب
«ميمر مذيل»
(لطم)
عنوانه عنوانه...صبرك إو عنوانه
كمّل شهـادة كربله...صبرك إو عنوانه
* * *
عجب أملاك السبع صبرك والـروح...ظل إيتمثل
ما مثل صبرك بالعوالم ممدوح...للعصمه منهل
آمر الباري القلم يكتب باللوح...والقلم سجل
إيمانه إيمانه...گلبك إو إيمانه
رمي الدهر يتحمله...صبرك إو عنوانه
* * *
تصبر يبو الباقر إو جرحك مالوم...ألله يعينك
لا عيش يهنالك إو لا طيب النوم...وإتشوفه عينك
مدرع إبصبرك تشگف إسهام الگوم...وإحفظت دينك
صيوانه صيوانه...والدين صيوانه
سر الذي بيه إعتله...صبرك إو عنوانه
* * *
تصبر إو جمرة كربله إبدلالك...وإتنام ليلك
وإنته عله إفراش الولم وإعيالك...هـدمت حيلك
إو سهم الگطع نحر الطفل چتالك...گطع دليلك
نيشـانه نيشانه...ما خطه إبنيشانه
وإبتله إبنبلة حرمله...صبرك إو عنوانه
* * *
والدك للإسلام ضحه إبدمه...وإبثمر ذاته
إو صبرك لعـد شمل الديانه لمه...إبسر معجزاته
والدين بيكم يا رجال الهمه...أمّن حياته
وجدانه وجدانه...علمك إو وجدانه
إو صورة الديـن الكامله صبرك إو عنوانه
* * *
شصير گلبك شيحمل من الجور...لله درّك
من حرگ المخيم دليلك مجمور...شيطفي جمرك
مشكور سعيك يبو البـاقر مشكور...عند الله صبرك
قـرآنه قرآنه...وضح إبقرآنه
صبرك الباري جمله صبرك إو عنوانه
* * *
