مــبـارزة حـبـيـب ومـصـرعـه
صوّل على الجيمان مغضب شيخ الانصار...و اروى مـن دمـوم العدا الصّارم البتّار
شـدّ وصـدم بـالميمنه يـسرى الاعادي...واظـلم نـهار الـكون بس لمع الهنادي
وغـرّة ابـو مـظاهر تـشع وهو ينادي...نـفسي فـدا لـك يـابقيّة بيت الاطهار
يـانور عـين الـمصطفى روحي فدا لك...والـلي أمـلكه يـالذي خـلصت رجالك
مـحصور يـبن المصطفى وانصار مالك...و جـنود امـيّه ملَمْلَمَه من كل الامصار
والـقلب ظـامي مـلتظي ماضاق شربه...وحـدّر عـليها واخـلت الـفرسان دربه
ولـنّ الـرّجس صمّم الحربه بوسط قلبه...ومـن صهوة حصانه تقنطر فوق لوعار
خـر وتِضَعضع ركن ابو السجّاد بالحال...و شـافه يـتمرّغ بالدّما ومنّه الدّمع سال
وقـلّه وفـيت وزدت يـاجيدوم الـرجال...لـكن تـركتوني بـليّا انـصار مـحتار
نـايم حـبيبي يـاحبيب بـحرّ الـتراب...فـزت بجوار المصطفى ياخير الاصحاب
تـحسّر وقـلّه يـاخليفة داحـي الـباب...ودّي أنـا اتـقطّع بـنصرك عدّة امرار
بـلّـغ سـلامي مـخدّرة حـيدر وقـلها...الله يـسـاعدها عـلى تـشِتّت شـملها
مـتحيّره تـبقى عـقب شـايل حـملها...تـقطع بـرور بـغير والي فوق الاكوار
عـندي خـبر مـن حـيدر الكرّار ابوها...مـن بـعد عـينك تـنسبي و يـسلّبوها
ولـلكوفه حـسره عْـلَى الهزيله يركّبوها...ويّـا الـيتامى يـشهّروها بكل الامصار
