شـالوا الـحر من المعاره مغمّض العين...يـعالج بـروحه ومـدّدوه ويا المطاعين

وسـط الـخبا وتجري دمومه من اكتاره...و ثـارت العركه والسّبط ذبحت انصاره
وحـسين ظـل مـطروح عاري بالمعاره...وجيش الدّعي ابن زياد وصّل للصّواوين

وبـن سـعد راح الـخيمة القتلى ودخلها...و شـاف الـجسوم مـطرّحه شبّان كلها
والـحرم فـرّن والـجنايز مـحّد الـها...وكـلهم عـليهم روس بس عبّاس وحسين

وآمـر بـعزل الرّوس ياويلي من الابدان...بـيهم مـشايخ ديـن وكـهولٍ وشـبّان
قـسوه ورثـها مـن سـلالة آل سـفيان...قطعوا الرّوس من الاجساد شلون جسرين

شـافوا الـحر مـابينهم بعض النّفس بيه...قـالوا الـحر هـذا نـذبحه لـو نـخلّيه
ذبـحـوه لازم قـلـهم وراسـه نـودّيه...و مـن عـزوته ثاروا ألف خيّال ظفرين

سـلّوا الـهنادي مـن مـغامدها بحماسه...و قـالوا الـحر هـيهات ماينقطع راسه
نـحميه لازم والـرّجس ضـاقت انفاسه...شـالـوه قـوّه وابـعدوه مـن الـميادين

أشـحدّه يـحز راسـه ويـمّه ألف خيّال...نـهضة عشيره غير حرمه ولا لها رجال
تشوف الخبيث يدوس صدر حسين بنعال...وتـدافعه وتـبجي وهـو يحز الوريدين

تـنخّي وتـقلّه يـارجس لاتـحز نحره...هـذا حـبيب الـمصطفى ومهجة الزّهرا
تـربّى عـلى صدر النّبي وتّدوس صدره...و تـهبّر اوداجـه عسى انشلّت هاليمين

وصـاحت يـنور العين ياصاحب الغيره...شـبيدي يـخويه مـابقت لـيّه عـشيره
شـتْفيد نـخوات الـبقت حرمه ويسيره...مـتحيّره بـعيله يـخويه ولا لـي معين