وصّـل الـحر لـحسين يـتزعّم سريّه...وسـلّم عـليه وعـظّمه وصـلّوا سويّه

صلّوا سوا وعقب الفريضه تبادلوا الرّاي...قـلّه انـا مرسول الي وعلى الوعد جاي
وانـت مـعارضني تـريد الحرب ويّاي...قـلّه حـشا مـا حـاربك يـبن الزجيّه

مـابينهم دار الـحجي وسـاقوا الظّعينه...و اخـتل نـظام الـظّعن وتـعلّى حنينه
وبـدر الـهواشم شـاهر الـسّيف بيمينه...و زيـنب تـقلّه ريّـضوا بـينا شـويّه

ريـضوا يبو فاضل ظعينتنا عن السّوق...غـيرك يـباري هالظّعن ياخوي مَيْلوق
خـوفي تثور المعركه واحنا على النّوق...قـلها يـبنت الـمرتضى امـرك عـليّه

أمـر الـظّعن بـيدي يـزينب لاتخافين...بـشري بـعزّج والـخدر مـادام حيّين
وسـالم أنـا يـمخدره وسـالم لك حسين...وجـان الحريبه تصير برض الغاضريّه

هـناك الـنزول يـصير وتصير المعاره...و هـناك يـومٍ لـلحشر تـبقى اخـباره
قـالت سـلامه هـناك لـو نمشي يساره...عـبّـاس والله سـفـرةٍ قـشره عـليّه

سـكّن قلبها من نخوته و واصلوا السّير...لـلطّف قـصدوا والـمنايا وْيـاهم تسير
والـحر يـمانع والـقضيّه تـريد تفكير...و تـالي الامـر فـاز بـسعاده سَرمَديّه

ومـن شاف جيش اهل الغدر دار اعتقاده...و دار وخَـذَا ولـيده وزارتّـه الـسّعاده
ويَـمَّمْ حـبيب المصطفى قصده الشّهاده...وإيـده عـلى الـهامه و دمـعاته جريّه

وهـو على سرج مطهّمه سلّم علىحسين...وقـلّه أنـا ومـهجة افّـادي ليك عانين
يـابن الـطّهر ينغسل جرمي بدم الاثنين...عـندي مـثل كـاس العسل ورد المنيّه