مــــبـــارزة وهـــــــب
جـرّد وهب سيفه وركب صهوة حصانه...وفـرّت بـدهشه زوجـته ولزمت عنانه
لـزْمَت عـنان الـفرس والـعبره تهلْها...تـقلّه صـحبتك جـان صـحبَتْنا تـفلها
عـندك أمـانه يـاوهب رِدهـا لاهـلها...مـثلك تـرى عـنده فـلا تضيع الامانه
وحـدي تـخلّيني وانـا سـافرت وياك...بـلادي بـعيده ومـن يودّيني الى هناك
مـقدر أجـيم ابـهالفلا سـاعه بـليّاك...هـذا مـهو مـحمود عـند اهل الدّيانه
قـلها تـشوفين الـسّبط قـلّت رجـاله...مـا تـسمعين ابـهالخيم ضـجّة اطفاله
أفـديه انـا بـروحي وكوني مع اعياله...هـذا مـهو الـشّخص الذي للبيت جانا
ولـنّ الـعجوز تـصيح بيها الولد خلّيه...يـطلع يـأدّي واجـبه و بـالنّفس يفديه
شـبْه الـمسيح حسين محتاطه العدا بيه...أفـنت رجـاله الـمعركه وقلّت اعوانه
وعـلى المطهّم لاح وترخّص من حسين...و انـحدر للحومه وخلّى الجيش شطرين
عـايف حياته وانبرت وحده من الايدين...وانـعقر غـوجه ولا دخل خوف بجنانه
ولـن يسمع الحرمه تصيح بقلب مذعور...بـعمود خـيمتها تـجول وما لها شعور
وتـصيح والله حسين خلّى القلب مكسور...يـاوهب جـاهد عن حريمه وعن اخوانه
قـلها يـحرمه قـبل ساعه انتي تمنعين...عـن طلعتي وهسّا علىالعسكر تهجمين
يـاوهب قـالت نـحّلتني نـخوة حسين...بـشفي غـليل الـقلب مـن قوم الخيانه
لـنّ الـشّهيد حـسين شاف الولد محتار...مـقطوعه يـمينه و هو يحارب باليسار
عـنّه وعـنها يـدافع بـسيفه الـفجّار...جـاهم بـوسط الـمعركه وخـلا مكانه
