مقاتلته وأسره
ليتك شفت مسلم برض كوفان يحسين...زلزل نواحيها ورجها وماله معين
صوّل عليهم يشبه الكرّار بالسّيف...ضيّق مناسمها و تولاها بأراجيف
ومن العطش ملهوف قلبه والوكت صيف...و الخلق باطنان القصب تلهب الصّوبين
لولا القضا و الحيلة اللّي دبّروها...حفروا بميدانه حفيره و ستّروها
وبيها تقنطر و المحاسن جرّحوها...وصابه بن الاشعث ويح قلبي بمحجر العين
وطوعه تصيح على السّطح وشهالكسيره...ليتك حضرت اتشوف ياشيخ العشيره
بن عمّك الموثوق طايح بالحفيره...وقادوه مثل الطّير مكسور الجناحين
وظلّت تنخّيهم يهل كوفان رحموه...هذا ابن اخو الكرّار حيدر لا تسحبوه
خلّوه يمشي براحته قلبي شعبتوه...خافوا من الله مالكم مذهب ولادين
صاحت يمسلم واعظمها خجلتي فيك...شبيدي واناحرمه وضعيفه ولااقدر احميك
لو يتركونك جان أفت قلبي واداويك...انجان سلَمِت من كيدهم سلّم علىحسين
قلها يطوعه اليوم ما تحصل سلامه...أوصيج جان ابهلبلد طبّوا يتامه
قولي ترى مسلم يبلّغكم سلامه...واجرج على الله و النّبي سيّد الكونين
تجيكم يطوعه مخدّرة حيدر على كور...جنّي أراها ابهالسّكك بيتامها اتدور
حسَّر على هزّل وراس حسين مشهور...وتدخل على ابن زياد ويّاها النّساوين
