انت ما تعنيني...ما أعوف حسيني
هذا دربي و ما أعوفه و لا أبدله بثاني...ما نسيت حسين لحظة و أدري ما ينساني
آنا من هذا الشعائر منهجي و عنواني...و الله ما عوف الحبيب العايش بوجداني
هالعشق يكفيني...ما أعوف حسيني
عهدي يبقه كربلائي للحبيب الغالي...و الله يا مجنون أضيعك من تصير ببالي
اشمالك اتعاديني و انت تخاف من اخيالي...و آنا أعرفك مثل جدك شمر تطلع تالي
و انت ما تمحيني...ما أعوف حسيني
حسين أغله إنسان أشوفه و أغله من اعيوني...لا تجادل لا تعاند راح أظل بجنوني
حيدري و أهل الملاحم خلهم يلوموني...أبقه باسم حسين أسولف حته لو ذبحوني
للذبح وديني...ما أعوف حسيني
احنه شيعة و نبقه شيعة ما تطيح الراية...باجر انراويك باجر ثورة المشّاية
ابكل درب تلقانه ننصب للحسين اقراية...تركض و تفزع مواكب غيرة الوفّاية
و آنا أوفي بديني...ما أعوف حسيني
هذا صوت الشرف هذا و لا بد اتسمعونه...كيد كيدك يا يزيد حسين ما تمحونه
شوف جم عابس يحبه و بالعشق مجنونه...نمشي وي زينب الحرة و فنكم اتمنعونه
رافضي اتسميني...ما أعوف حسيني
هذا عشقي من الطفولة و هايم بمحبوبي...ثوبي أسود عالحسين و ما أغير ثوبي
ويه كل مشاي أمشي و ما أتيه ادروبي...أعتني الكربله و أوصل يم شفيع اذنوبي
