ما رايد كلشي و تدريني...بس الهالخدمة توفقيني

جيتج محنيات اضلوعي...لجل حسين البيه موضوعي

أدعي و أبجي و شوفي ادموعي...ما بين اعيوني و جفيني

ما أعتب جاي و لا شاجي...و بغير الدمعة ما حاجي

اعله امصاب حسين اشقد باجي...بس دمعاتي ما تكفيني

عندي سر و أرد أفتهمه...رايد أعرف شنهي الخدمه

و حسين بحين أذكر اسمه...مثلج هم ردته ايبجيني

هالخدمة من ايمر طاريها...يم عباس انذكرج بيها

يمكن لمن أبجي اعليها...من هاي الدمعة اتقبليني

أدري الدمعة اتطفي اجهنم...بس منج رايد أتعلم

ابغير الدمعة اشلون أتقدم...خطوة ابهالخدمة اتنجيني

أرد أخدم و بصافي النية...بس هالتوفيق ايمر بية

آنا العايش بحسينية

يالعشت الدنية ابكل حسرة...يالآلآمج كلهن عبرة

كل شي الخاطر ابن الزهرة