زماني الما رحم حالي...أخذ من عندي كل غالي
النهار ابعيني صار أظلم...الزمن من طبعه ما يرحم
أخذ من عندي كل غالي
وسط الجفن من الزغر ضميتك...بين الضلوع و بالقلب خليتك
ها يا علي بأطهر اسم سميتك...اتهيل التراب ابموتتي اتمنيتك
أبوك بموتته ايريدك...تشيل اجنازته بأيدك
عمر أتنطر و أحلم...الزمن من طبعه ما يرحم
أخذ من عندي كل غالي
يبني الأبو تعب الدلال ايريده...و اعيونه تربي اشما كُبر لوليده
اشقد ينهضم لو شّيع ابنه بإيده...و اجفوفه تتحنه ابنزيف اوريده
طحت يوليدي قدامي...جسد من كل كتر دامي
و أنا بإيدي مسحت الدم...الزمن من طبعه ما يرحم
أخذ من عندي كل غالي
ارخصني قلت لي و مهجتك مجروحة...و من يقدر اعله الموت يرخص روحه
زهرة شبابك بالعطش مذبوحه...قلبي اعله فقدك ما يبطل نوحه
رحت وجهك ضوه ألقمره...رجعت اشفايفك جمرة
ضامي الضامي يتألم...الزمن من طبعه ما يرحم
أخذ من عندي كل غالي
أمك يروح أمك تشاهد حالي...وسط الخيم و اعيونها تبرالي
صاحت يا إلهي و بجمر دلالي...يالرجعّت يوسف ترد لي الغالي
علي روح اقصد الأمك...تريد بروحها اتضمك
الله بحالها الأعلم...الزمن من طبعه ما يرحم
أخذ من عندي كل غالي
رديت و اعيونك توادع عيني...بالطف نويت الوحدي اتخليني
ادركني بوية اسمعتك اتناديني...أجدامي صوبك عجزت اتمشيني
الجدم ما عثّره اترابه...عثرت بقلبي و امصابه
نصبت بخيمتك مأتم...الزمن من طبعه ما يرحم
أخذ من عندي كل غالي
