أمست الزهرا في قبرها زايدة اُونين...واِتقول وا حزني على اِفراق اِبني احسين

يحسين يا بني هيَّجت حزني عليّه...لجلك اِبقبري لابِسه ثوب الرزيّه
أبكي عليكُم يا ضحايا الغاضريّه...الله كاتب كربلا تحويك يحسين

فطّرت كبدي من اُوداعك يا حبيبي...يحسين هذي طلعتَك من غير طِيبي
لَعمي اِعيوني بالبكا واشقّ جيبي...واَلطم على راسي ونادي يا ضيا العين

حزني عليكُم يا ذبايح شهر عاشور...اُو حزني على أجساد تبقى ما لها اِقبور
بانصب المأتم ليك يا بني طول الدّهور...ليلي اُو نهاري واَنتحب واَصيح يحسين

والله مصايب من عظمّه اِتضيق لنفاس...مادري على مَن أنتحب واَلطم على الرّاس
لبنَك علي لو حقّ أبو فاضل العبّاس...يبقى على لمسنّات جثّة ما لهه اِيدين

لو للذي بالغاضريّة اتعرّسونه...يا عرس لَكشر يوم عرسه يذْبحونَه
عرّيس ما شفنا إبدمّه اِيخضّبونه...اُو يبقى جنازة بالعرا من غير تكفين