زينب تندب مسلماً :
علمك يبو طاهر لفاني...اُو حزنك على الصارم اُواني
اُوفرقاك ما هو بالهواني...ليت القبر قبلك حواني
ولا اسمع ابعلمك يا اماني...اشوف الدهر بيكُم رماني
اُوهبط لراسي وابتلاني...ترى امصيبتك هدت اركاني
واجرت دموعي من اجفاني
طاهر تزفر بالغضب زار...واهملت عينه ابدمع نثار
ويقول يا كشافة العار...نمتوا طبق من ياخذ الثار
بان اليتم واحنا ترى اصغار...بوجوهنا حلت الاكدار
علينا ولا مخلوق نغار...اُوكلمن يجينا طالب اُوثار
اُو زينب تصب الدمع مدرار...تجري مثل جاري الانهار
واتقول اخويه اِحسين بس صار...ابعرض الطريق اُوجاته اخبار
مسلم ذبح بالكوفة اجهار...واصفق على اليمنى بليسار
ياحيف بان الانكسار...بوجوهنا ووجوه لنصار