باعتقادي...تحضر الليلة الزجية
باعتقادي...تنعه شيخ الجعفرية
لمن دمعي يجري...الله ايعظم أجري
عن دراية بالرواية عدنه موثوق الخبر...وينما ننصب مجالس لازم الزهرة اتحضر
من تجي وياها بنها يعني مهدي المنتظر...و اثنعش طعنة بقلبها و الأئمة اثنا عشر
هالمسية...ليلة استشهاد إبنها
هالمسية...الجعفر الصادق حزنها
أحني اوياها ظهري...الله ايعظم أجري
للبقيع الزهرة حنّت يم قبر جعفر مشت...سمعت بمأتم عزانه تحضر المجلس إجت
من بجه الناعي اعله ابنها لطمت الخد و بجت...وصلت المنبر تنادي يبو صالح و انحنت
يا بوصالح...عجّل الباري بظهورك
يا بو صالح...شيعتك تطلب حضورك
يوليدي اعله صبري...الله ايعظم أجري
جابت امن الطف علامة قطرة من دم المتن...تربة دم حسين بيها حته من تسجد تون
مرت اعله الكاظمية لازم اتواسي الإبن...دخلت اعلينه ابحزنها حزن يستقبل حزن
يا الحزينة...بلكت القبرج إشارة
يالحزينة...الله يقسم لي الزيارة
لجلج أفدي عمري...الله ايعظم أجري
ميت الصادق يزهرة و عينه ظلت هامله...محمد الباقر حجا له عن مصايب كربله
من يشوف اعياله يذكر سبي العايله...من يشاهد نحر طفله يشوف نبلة حرمله
دمعه يجري...يذكر امصاب السبيه
دمعه يجري...صاحت بديوان أميه
بمصابي اعله خدري...الله ايعظم أجري
أرد أسولف لج يزهرة و انتي أعلم بالجره...آنا مو قصدي أقارن بس إجت بالذاكره
حسين عالغبرة يويلي و ضامي حزوا منحره...خنصر الصادق بجفه حسين قطعوا خنصره
من أذكره...تسهل اعليه المصيبة
من أذكره...توقف إقبالي الغريبة
ألطم وجهي و أدري...الله ايعظم أجري
جعفر الصادق يزهرة يمه احبابه اشكثر...ما فطر جبده المثلث لا وقع من المهر
لا ثلثتيام عاري و ينجوي بشمس الظهر...لا تدوس الخيل جسمه كسرت إعظام الصدر
يا هضيمة...عالرمح راسه يزهره
يا هضيمة...قلبج الباري يصبره
لا ما يطفه جمري...الله ايعظم أجري
غمضوا عين أبو الكاظم أهله يمه و صحبته...حسين من غمض له عينه منهو شال إجنازته
عالأصابع نعش جعفر حملته كل شيعته...حسين لا أخ لا قرابة لا عشيرة الدفنته
من يشّيعه...امذبحة كل العشيرة
من يشّيعه...عنده بس إخته و أسيرة
أبجي و ناري تسري...الله ايعظم أجري
جعفر يعاين اعياله امحصنة من العده...اشحال من حرقوا اخيامه و الأطفال امشردة
شاهد بعينه بناته تنحني بسوط العده...ينكسر ظهر الغيور الشاف اخته امقيده
للشريعة...كلمن يعاتب كفيله
للشريعة...نظرة من فوق الهزيلة
شراويني دهري...الله ايعظم أجري
