جعفرية ما قدر واحد يهزنه...جعفرية للأبد هذا عهدنه

هالصوت يا سيدي...للموت يا سيدي

اقلوب بيضة و لبست اثياب السواد...و انعلن ابسابع سمه اليوم الحداد

و انفجع بمصيبته باب المراد...انشيع اويه الكاظم الليلة حضرنه

صاح ناعي البين و الصوت اعتله...و البقيع اليوم صارت كربله

اتلقت المسموم صاحت يا هله...من سمعنه ابهالخبر كلنه فزعنه

عهد وي الكاظم ووي والده...تبقه كل هاي الشعاير خالدة

ما يهمنه اشصار وش قال العِده...احنه إلكم سادتي الله خلقنه

احنه إلكم سيدي كلنه عبيد...غير حبكم أبد كلشي ما نريد

الروح ترخص و إلكم ارخيص الوريد...و اليلوم انجاوبه و انقله حقنه

الموت عدنه طيب بحبكم حياة...أبد ما نعرف عل خطكم ممات

و حق هوه اللي قسم بالعاديات...نبقه وياكم قسم هذا قسمنه

حيرة و الله ابحبكم اشلون القياس...الإسمه خادم صار عندنه عالي راس

و التغطرس طاح ما ظل إله ساس...فارق ابين الخدم و الطاغي شفنه

مدرسة جعفر رمز للتربية...بيها علّمنه دروس التضحية

العدل هية و العقيدة النامية...اثبتنه و العالم عرف هذا نهجنه

الصبر عدنه و كل محب طبعه صبور...صادقين و ننتظر يوم الظهور

نعتني اويه المهدي يم ذيج القبور...بيها نحيي للمآتم لو وصلنه