إجت أم الحسن بالطيف ظهر محني و جفن أحمر...يمها اقبور مهدومة من قبر القبر تفتر

قبل لا أعتني يمها فاضت بالدمع عيني...أريد أوصل و أناشدها قبرج وين دليني

قالت لا تناشدني بس حيدر علي يعلم...لون عندي قبر ينشاف من اسنين يتهدم

لمن يظهر الغايب أسرار القبر تظهر

يشيعي آنا مهضومة خمس اقبور مهدومة...أجي يمهم أزورنهم و أنعه و روحي مهمومة

قبر الحسن و السجاد قبر الباقر و جعفر

لو رايد تناشد ليش عين أم الحسن حمرة...سطرني الظالم بوجهي و باقي أثر للسطرة

و من انكسر ظهر حسين ظهري انكسر وي ظهره

اشحال الوالدة التنظر ابنها اعله الثره اموذر

من طف كربله لليوم أنحب و ألطم اعله الراس...آنا و أم البنين انصيح آه يا حسين يا عباس

آنا أم زينب و أنظر زينب تنطق و تنسب...يشيعي ابيا وكت زينب يمها الشمر يتقرب

أكبر جرح يوم الطف يوم السلبوا الخدر