آخر نفس عنده...ناسي جرح جبده

كل فكره يم جده...البلغاضرية

جعفر الصادق من دنت آجاله

من داروا اعليه اخوته و اعياله

اتذكر مصاب حسين و بيا حاله

شاف الإبن راسه بحضن جتاله

و بآخر أنفاسه...جم حافر الداسه

فوق الرمح راسه...جثته رمية

لمن بني هاشم إجو لوداعه

خفت عن الصادق جميع أوجاعه

جاوين هاشم ما إجت فزّاعه

للطحنت اضلوع العده أضلاعه

يا هو اللي من أهله...قام و فزع لجله

فزعت له بس طفلة...بنته رقية

من شاهد الكاظم ينوح بكتره

نشّف ادموعه و قام ضمه الصدره

و حسين يا هو الضمه بآخر عمره

يا هو اللي جر السهم من ظهره

يا هو الحضر يمه...لمن نزف دمه

يا ويلي ظل جسمه...بحر الوطية

أصبر عالصار و جره ما بيه

لو مر عليه العاشر و طاريه

و بكربله أعظم مصاب اعليه

ليزيد ودوا عمتي مسبية

للشام و الكوفة...ودوها مجتوفة

راس الاخو اتشوفه...بيد آل أمية