شعبان شهر المصطفه ايسمونه
عزة و كرامات و نصر مضمونه
أسراره أسراره...ما ندرك أسراره
عزة و كرامات و نصر مضمونه
هذا الشهر اسمه المبارك شعبان
شهر النبي المختار سيد الأكوان
كلما يهل بيه تبتهج انس و جان
بيه تنولد أقمار تهدي الحيران
أجمل شهر ثوب الفخر يحلاله
نور الحسين ايلالي وجه اهلاله
أنواره أنواره...ما أجمل أنواره
عزة و كرامات و نصر مضمونه
بهذا الشهر قرة اعيون المختار
و الزهرة بنته و الوصي حامي الجار
ميلاد أبو الأكبر إمام الأبرار
شبله علي السجاد رمز الأحرار
زين العباد ابهالشهر ميلاده
بسجل الخلود اتسجلت أمجاده
أخباره أخباره...من نقره أخباره
عزة و كرامات و نصر مضمونه
هذا الشهر وي كل شهر ما ينقاس
يقبل علينه بالنفسج و الياس
بيه ينولد رمز الوفة و النوماس
شبل الوصي بدر العشيرة العباس
الليلة الوفه بشوق و مهابة ايطوفه
بهامته و عينه ايقبله و اجفوفه
بتاره بتاره...ينتظره بتّاره
عزة و كرامات و نصر مضمونه
يوم اهدعش شعبان فجره جهجر
بشمس الإبه و الكون صاح و كبّر
بمولد أسد عنده شمايل حيدر
هذا الأسد اسمه عليُ الأكبر
ارسوم النبي الهادي الجميلة ارسومه
وصلت إلى أهل السماء اعلومه
أدواره أدواره...محفوظة أدواره
عزة و كرامات و نصر مضمونه
حادي العشق لا زال بينه يحدي
كل ساعة إلنه فد هدية يهدي
الدرب الديانة و العدالة يهدي
ايوضح إلنه عن حب الإمام المهدي
بخامس عشر شعبان نبقه انادي
يا مهدي و انهني النبي الهادي
نتباره نتباره...بالفرحة نتباره
عزة و كرامات و نصر مضمونه
