و اليوم يومك يا علي...بيدك ترف الرايه

يا فخرنه يا ذخرنه يا شفيع المذنبين

انت غالي و تبقه عالي اشما تمر بينه السنين

انت راية و انت آية و انت نور العالمين

انت حماي الحمه...انت راعي الموزمه

يالبيك كل همي ينجلي...بيدك ترف الرايه

و التضدك ما تهمنه انت ساكن بالضمير

ياللي بإسمك رف علمنه و البيك معقود المصير

يجري حبك ويه دمنه انت يا راعي الغدير

و أبقه باسمك طالبي...غصباً اعله الناصبي

رغماً عالجاهلي...بيدك ترف الرايه

يا إمامي يا غرامي انت يا حامي الدخيل

ويه حبك و اعله دربك و الله عنك ما نميل

تبقه والي و ما نغالي نقسم بربنه الجليل

و الوهابية تشوف...إلك مّدينه الجفوف

و ما كو ولي إلا علي...بيدك ترف الرايه