بمحجر المنيه...كاظم الرزية

يندب بدعاءه...نذبة مهدوية

عدنه ذكره بمحجر السندي و فناءه

سبحه و مصلاية و اعمامه و عباءه

و الإمام الكاظم و صوته و دعاءه

ربي إرحم من رأس ماله رجاءه

يندعي ابدمعته...و دم على رقبته

و أسمع برجاءه...نذبة مهدوية

من كثر ما شال هم و جور دنياه

قام كل ليلة دعاء النذبة يقراه

ربي عجل لوليك خلني ألقاه

أرد أقله ايطالب بثاراتي وياه

يا مآسي همه...لو جبل تهدمه

من يضج بكاءه...نذبة مهدوية

ابكثر ما أثقل عله الكاظم حديده

جان من يقنت صعوبة يرفع إيده

لو سجد ينجرح من القيد جيده

جان يمه يشوف بس الما يريده

لا أهل إجو له...جرحه ضمدوا له

ينزف بدماءه...نذبة مهدوية

جان من يشعر عليه ضاقت الوسعه

يقصد الباب السجن و بعينه دمعه

يرفسه السجان يا ويلي و يدفعه

و يشتم الزهراء و الكاظم يسمعه

يوقع اعله وجها...و يدعي يا فرجها

غربتي و نداءه...نذبة مهدوية

يا هضمنه و يا جرحنه الما تشافه

جبد موسه اتقطع ابسم يا حسافه

و النعش مرمي على جسر الرصافه

جن و لا واحد سمع لا أحد شافه

اجنازته غريبه...و ما حضر حبيبه

عالجسر بقاءه...نذبة مهدوية

مات و اهموم السنين ابقلبه تحدي

و العذاب ايجيب بالدمعه و يودي

مات و أنفسه تنادي مهدي مهدي

ابسلامه لا تخليها تعّدي

الظالم الظلمنه...ثار اطلبه منه

و الجرح دواءه...نذبة مهدوية