يا شيعة ودعوها...لجنازته اخذوها
بالروح ادفنوها...موسه بنَ جعفر
هاي الجنازة عالجسر ظلت غريبة
يا شيعة قوموا انشارك بهاي المصيبة
باب الحوائج طايح و جثته سليبه
كل شيعي واجب هالمسه يودع حبيبه
عالروس ارفعوها...بدموع غسلوها
و الصرخة صيحوها...الله اكبر
خل نواسي فاطمة الليلة حزينه
و انشارك احنه بالدمع دمعة نبينه
لجل الغريب ابلا جفن و امقيدينه
فوق الجسر مثل الشمس يسطع جبينه
لا و الله منعوفه...و امقيدة اجفوفه
و يغسله انشوفه...بدموعه حيدر
هاي المصيبة ما تمر مرت يشيعة
هالليلة كل شيعي محب فاقد شفيعة
فاقد إمام الرافضة و نهج الشريعة
هالليلة نعلن للبشر نبقه نطيعه
و الشيعة مشهودة...ما تخلف اوعوده
للكاظم اجنوده...من شبله يظهر
ليلة وداعه بالدمع نختم عزاها
و الشيعة ما تنسه حزن صاحب لواها
نعش الحبيب اتودعه و نسمة هواها
و الغالي تعرف ما يرد لو فارقاها
متعلمة من عنده...لا ما خلف وعده
يرويها بالشدة...يرويها كوثر
ليلة مصابه شاهده لهل العقيدة
كل شيعي للكاظم نذر منحر وريده
يقسم بدمعة فاطمه الماتت شهيدة
ما تبقه موسه اجنازته أبداً وحيدة
حلفت له بعيونه...لا ما يعيفونه
و الدم ينذرونه...و بحبها تجهر
