والـينه حيدر*** هاي ليلة فرحته *** بميلاد الأزهر*** هاي ليلة فرحته

نبعث تهاني للوصي حامي الحمه***وأحلى الأماني للنبي وفاطمه
ولحن الأغاني من فرحنه انقدمه***الوالد الأكبر والنجاة محبته

لحسين حبنه على الفطرة من الضغر***شافع ذنبنا والأمل يوم الحشر
نور دربنا يزهي من وجه البدر***ونريده يحضر بالحساب وشدته

وهنو العقيلة زينب بجية القمر***ماكو مثيلة وبالوفة راعي الفخر
والـ يعتنيله يحسب حسابه بتشر***للفضل محور والفضل من شيمته

صاحب الغيرة واسمه سبع القنطرة***نور العشيرة وللهواشم مفخرة
عضيدة ونصيره لأبو العترة الطاهرة***ما ساعة قصر عن اخوه ونصرته

وزين العباد الليلة فرحة مولده***درب الرشاد بفضل علمه مهده
راعي المراد ما يرد من يقصده***للتقوة منبر والعبادة سيرته

انولدت الغيرة والشرف والمرجله***زود وشجاعة من صلب عقد الوله
وشلون اوصفه وعنه تشهد كربله***لا ما تعذر حاشه تقبل غيرته

واحنه بفضلهم عدنه هاي المنزلة***نتوجه إلهم من نطيح بمعضلة
نبقى بأملهم والنريد انحصله***حبهم المصدر للإله وجنته